Xukuumada Muuse Oo Sheegtay Inay Bixinayso Magta Shacabka Ciidanku Kulaayay Laascaanood…

Guddidii heer Qaran ee ku sugnaa gobolka Sool, kana koobnaa Wasiirrada, Agaasimayaasha guud, Xildhibaannada iyo maamulka gobolka Sool ayaa kulan la qaatey ehellada dadkii ku dhintey mudaharaadkii Laascanood.

Waxaanay dawladdu ehellada siisay aaskii Allah ha u naxariisto marxuumiintii ku dhintey mudaharaadka, iyadoo Dawladda Somaliland ballan qaaddey in ay bixinayso magta Allah ha u naxariisto dadkii ku dhintey.

Kulankaasi ayaa kusoo dhammaadey is-af-garad buuxa oo ay wada gaadheen Masuuliyiinta Dawladda iyo ehellada marxuumiintaasi, sida ay warbaahinta Dawladu qortay.

Maaha markii koowaad ee Xukuumada Muuse inta ay shacab layso ay tidhaa waxaan bixinayaa magta dadka geeriyooday.

Dhacdo sidan oo kale ah oo Hargaysa ay xukuumadu ku laysay shacab samaynayay banana bax ayay markii dambe  eheladii  dadku ka dhinteen ay siisay lacag ay ku tilmaamtay magtii dadka dhintay.

Ciidamada kala duwan ee Somaliland ayaa markay la kulmaan mudahaardyo inta badan xabad nool ladhaca shacabka, iyagoo taasi ka raadiya xalka.

Maalintii saddexaad ayaanu weli mudaharaadku ka socdaa magaalada Laascaanood.