Xildhibaan Sheegay In Riyo Lagu Tusay Musharax Cabdiraxmaan Cirro Oo Madaxweyne Ah…

xildhibaan Axmed Nuur Guruje ayaa sheegay in riyo lagu tusay musharax Cabdiraxmaan Cirro oo madaxweyne noqday.

xildhibaan Guruje ayaa qoraal uu soo saaray ku yidhi:-

” Labadii manaam ee xalay “.

Habeenkii xalay ahaa waxaa la itusey laba manaam ( riyo ) oo kaamil ah , labadaas riyo waxay kala ahaayeen.

1 waxaa ii yimid cabdinasir macalin caydiid Ilaahey ha ii naxariistee, cabdinaasir hees buuxda oo isu dhan ayuu ii dhiibey.

Heestaasi way I qiiro gelisey waanay i jidhiidhiço gelisey, nuxurka heestaasina wuxuu ahaa ” hadii abaalkii Iyo halgankii aan idiin soo maray dafirteen walee wiil danbaan idiin halgamin “

Cabdinaasir waligay maanaan kulmin, wax hadal ihina nama dhexmarin intuu noolaa.

2 Manaamka labaad wuxuu ahaa, doorashadda madaxwaynaha oo dhacdey, dadkii oo natiijadii wada sugaya, cabdiraxmaan cirro oo gacanta midig tusbax ku haysta oo guulaystay kuna guulaystay 67 % .labadaas manaam ayaa habeenkii xalay ahaa la I tusey.