Xaflad lagu xoojinaayay amniga dowlad deegaanka oo ka dhacday Jigjiga.

Xaflad lagu adkeynayo xidhiidhka wadashaqayneed ee ka dhexeeya booliska iyo dhallinyarada Maamulka Magaalada Jigjiga ayaa ka dhacday madasha shirarka ee Sayid Maxamed Cabdille Xasan.

Xafladdan oo loo qabtay dhallinyarada M. M.Jigjiga ayaa waxaa kasoo qeybgalay komishineer ku-xigeenka komishinka booliska DDS Sarreeya Guud C/raxmaan Axmadnuur oo ay wehelinayaan saraakiil sarsare oo ka tirsan komishinka booliska heer deegaan iyo kan maamulka Jigjiga, dhallinyarada iyo bulshada qeybaheeda kala duwan ee magaalada Jigjiga.

Ujeeddada kulankan ayaa ahaa sidii loosii adkeyn lahaa amniga iyada oo la kaashanayo xoogga bulshada ugu muhiimsan oo ah dhallinyarada iyo sidii meel loogaga soo wadajeedsan lahaa guud ahaan arrimaha halista ku ah jiritaanka bulshada, dhallinyaraduna ay kaalin buuxda uga qaadan lahaayeen arrimahasi.