XAFLAD LAGU SAGOOTINAAYAY KOMISHINKII HORE EE DDS OO LAGU QABTAY MAGAALADA JIGJIGA

Xaflad lagu sagootinayay komishinneer ku-xigeenkii hore ee Komishinka Booliska DDS laguna soo dhawaynayay komishinneer ku-xigeenka cusub ayaa ka qabsoontay magaalada Jigjiga.

Madasha xafladdani loo sameeyay sagootinta komishinneer ku-xigeenkii hore ee Komishinka Booliska DDS ahna Taliye ku-xigeenka Ciidanka Xoogga Gaarka ah Jenneraal Sakariye Cabdi Khaliif iyo soo dhawaynta Komishineer ku-xigeenka cusub Jenneraal C/raxmaan Axmednuur ayay kasoo qeybgaleen saraakiisha ciidammada kala duwan ee Deegaanka, masuuliyiin iyo qeybaha kala duwan ee ciidanka.

Labada Jenneraal ee xilka la kala wareegayay oo madasha ka hadlay ayuu midba midka kale ku tilmaamay shaqsi ku astaysan hawlkarnimo, waddaniyad iyo daacadnimo.

R/K Cali Cabdijabbaar ayaa isaguna Jenneraalka la sagootiyay uga mahad-celiyay shaqooyinkii wanaagsanaa ee uu soo qabtay, ciidammada qaebahooda kala duwanna kula dardaarmay inay xoojiyaan sarraynta sharciga halka uu bulshada Deegaankana u diray farriin ah inay garab istaagaan ciidamada.