XAFIISKA JIDADKA OO WARBIXIN KA HORJEEDIYAY XILDHIBAANADA DEEGAANKA

Xafiiska Jidadka iyo Xafiiska Horumarinta Xoolo-dhaqatada DDS ayaa Golaha Xildhibaannada ee Deegaanka u soo jeediyay islamarkaana ka hor akhriyay waxqabadka xafiisyada iyo mashaariicda ay Deegaanka ka wadaan.

Xubnaha guddiga joogtada ah ee Golaha Xildhibaannada DDS ayaa xafiiska jidadka u soo jeediyay dhalliilihii iyo caqabadihii ay ku soo arkeen kormeerkii kala duwanaa ee ay ku soo mareen Deegaanka gaar ahaan mashaariicaha xafiisyada jidadka iyo horumarinta xoolo-dhaqatadu ay gacanta ku hayaan, iyada oo ay masuuliyiinta xafiisyadaasi jawaabo ka bixiyeen su’aalahaasi ay xildhibaannadu u soo bandhigeen.

Gabo’gabadii waxaa talobixinno u soo jeediyay xafiisyadaasi Afhayeen ku-xigeenka Golaha Xildhibaannada Deegaanka Mudane Ibraahim Xasan iyo Wasiir ku-xigeenka Xafiiska Madaxweynaha ee DDS Mudane C/risaaq Sayid, si loo turxaanbixiyo caqabadaha ka jira dhanka mashaariicaha iyo waxqabadka xafiisyadaasi.