WAXAA XARIGA LAGA JARAY HOTEL CUSUB OO LAGA DHISAY MAGAALADDA QABRIDAHAR

Hoteelkan oo ay ku baxday adduun lacageed oo dhan 35 milyan oo birr ayaa ka kooban jiif iyo cunto, waxaana shaqo-abuur ka helay intii uu socday dhismaha hoteelkani 120 qof iyo 18 qof oo kale oo noqon doona shaqaale joogto ah. Hotelkan oo loogu magac daray Al-xaramayn ayaa qeyb ka noqon doona horumarka ballaadhan ee ka hanaqaaday magaalada Qabridahar.

Xadhig-jarkani hoteelkan casriga ah ayaa waxaa kasoo qeybgalay masuuliyiinta gobolka Qorraxey, kuwa M.M.Qabridahar, marti sharaf ka socotay M.M.Godey iyo bulshada qaybaheeda kala duwan, iyagoona ugu baaqay qurba-joogta iyo ganacsatada Deegaanku in ay ka qeybqaataan fursadaha maalgashi ee ka bannaan magaalada.