Soomaaliya Maxay Ka Faa’iideysaa Heerka Cusub Ee La Gaadhsiiyey Hawadeeda?
WASIIRKA XAFIISKA WARAABKA IYO DOOXOOYINKA DDS OO BOOQDAY BEERAHA DAGMADDA DOOLLO ADDE .
Wasiirka Xafiiska Waraabka iyo Dooxooyinka DDS Maxamed Faatax Maxamed oo ay waheliyaan maamulka gobolka Liibaan ayaa booqday mashruuca kannaallada beeraha tuulada Suuf ee degmada Doollo-addo ee gobolka Liibaan.
Mashrucan kannaallada waraabka beeraha tuulada Suuf ayaa dhismihiisu meel fiican marayaa, waxuuna ka mid yahay mashaariicihii laga fuliyay heer deegaan sannadkii 2021-ka, mashuucan ayaa fogaanta dhererkiisu gaadhayaa 6km qorshe ahaan loogu talo’galay in looga faa’iidaysto wax-soo-saarka beeraha in ka badan 400 oo hiktar oo dhulbeereed ah.
Wasiirka Xafiiska Waraabka iyo Dooxooyinka DDS Maxamed Faatax Maxamed ayaa sheegay ahmiyadda ugu muhiimsan ee kannaalladan inay yihiin kor-u-qaadidda wax-soo-saarka beeraha, si bulshadu uga kaaftoonto ku tiirsanaanta gamcaha shisheeye xalwaarana loogu heli lahaa baahiyaha taagan sida abaaraha.
