WASIIRKA WASAARADDA CIYAARAHA OO KA QEYB GALAY KULAN MUHIIM U AHAA DHALINYARADDA SOMAALIYEED

Wasiirka wasaaradda dhalinyarada iyo ciyaaraha XFS Mudane Xil Maxamed Barre Maxamuud ayaa ka qayb-galay doodda tallo-wadaag oo looga hadlayay kaalinta dhalinyarada ee dowlad dhiska iyo horumarinta dalka.

Doodda tallo-wadaag oo qayb ka ahayd kulanka wadatashiga dhalinyarada Soomaaliyeed oo ay iska kaashadeen Wasaaradda dhalinyarada iyo cayaaraha iyo qaybo ka mid ururrada dhalinyarada Soomaaliyeed.

Waxaa ka soo qayb-galay doodda tallo-wadaag iyo shirka dhalinyarada Soomaaliyeed Xildhibaanno ka tirsan golaha Shacabka ee baarlamaanka Soomaaliyeed agaasimaha guud ee Wasaaradda dhalinyarada iyo cayaaraha Cabdiraxiim Warsame Diiriye, masuuliyiin hore iyo in ka badan 200 oo dhalinyaro ah.

Waxaa laga dooday kaalinta dhalinyarada ee dowlad dhiska gaar ahaan Marxaladdan kala guurka ah ee la rajaynayo in dalka la xoreeyo lagana hirgeliyo doorasho toos ah oo dadka Soomaaliyeed ay ka wada qayb-galaan.

Wasiir Maxamed Barre iyo dhammaan Xildhibaannadii doodda ka qayb-galay ayaa kula dardaarmay dhalinyarada inay Iskaashadaan oo muujiyaan isku duubni si ay uga mira-dhaliyaan qorshaha dhalinyarada ee hogaaanka dalka iyo qorshaha guud qaranka.