WASIIRKA WASAARADDA CIYAARAHA OO KA QEYB GALAY CASHO SHARAF AY SAMEYSAY XALI WASAARADDA ARIMAHA DIBADDA
Wasiirka wasaaradda dhalinyarada iyo ciyaaraha XFS Mudane Xil Maxamed Barre Maxamuud iyo qaar ka mid ah golayaasha dowladda ayaa xalay ka qayb-galay casho sharaf sagootin ah oo ay Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya u samaysay Wasiirka Arrimaha Dibadda iyo Qurba-joogta ee dalka aan walaalaha nahay ee Yemen Dr Axmed Cawad bin Mubarak.
Kulanka cashada ah waxaa kale oo ka soo qayb-galay safiirrada dalalka aan saaxiibada nahay ee fadhigoodu yahay Caasimadda Muqdisho.
Soomaaliya iyo Yemen waxay leeyihiin xiriir qarniyo soo jiray oo xagga dadka, Taariikhda, dhaqanka iyo dhaqaalahaba leh, waxaana hadda wadaagaynaa khibradda kasoo kabashada colaadaha.
