WASIIRKA WARFAAFINTA JAMHUURIYADDA SOMALILAND OO SOO KORMEERAY GOOBTA DIIWAN GILINTA DAGMADDA QULUJEED

Muxuu Wasiir Kuxigeenka Warfaafintu Kula Kulmay Goobtii Diiwaan Galinta Degmada Qulujeed ee Uu soo Kormeeray

“Fariimahii Wacyigalinta ahaa & Dadaalkii Wasiir ku Xigeenka Warfaafinta Mudane Siciid Xasan Habane ayaa na dhiirigaliyay, waxa ay na tuseen fariimahaas sida uu codkayagu muhiimka u yahay, meel fog ayaanan ka imanay, Qulujeedna waxa aan maanta u joognaa in aan is-diiwaangalino, dadkii dagaankuna maanta way ku dhiiran yihiin inay is diiwaangaliyaan, inkastoo waqtigu nagu yar yahay, goobaha diiwaangalintuna ay naga fog-yihiin, hadana waan dhiiranahay oo way naga go’an tahay in aan dadka xaqa u leh oo dhan diiwaangalino, Wasiir Siciidna waan u mahadnaqaynaa ” ayuu yidhi muwaadin saf ugu jiray isdiiwaangalinta goob mashquul ah oo shaqo badani ka socotay oo ku taal degmada Qulujeed, waqti ay degaankaas kormeer shaqo oo salka ku haya u kuurgalka hawsha socota & wacyigalinta dadwaynaha ee dhinaca is-diiwaan-galinta codbixiyayaasha doorashooyinka Somaliland uu ku soo maray Wafdi uu hogaaminayay Wasiir Ku Xigeenka Warfaafinta Mudane Siciid Xasan Habane oo ay wehelinayeen Xidhnibaano Golaha Degaanka ah.

Wasiir Ku Xigeenka Warfaafinta Mudane Siciid Xasan Habane ayaa tan iyo bilawgii diiwaangalinta codbixiyayaasha ku sugnaa gudaha gobalka Awdal, isaga oo markaas qayb ka ahaa Masuuliyiin Xukuumada dhexe ka socda oo uu hogaan u yahay Wasiirka Ganacsiga & Dalxiiska Somaliland Mudane Maxamuud Xasan Sacad Saajin.