WASIIRKA QORSHEYNTA DFS OO DALKA KUWAIT KULAN KULA QAATAY SAFIIRKA DFS U FADHIYA DALKA KUWAIT.

Wasiirka Wasaaradda Qorsheynta Maalgashiga iyo Horumarinta Dhaqaalaha XFS, Mudane Maxamuud Cabdiraxmaan (Beenebeene) oo ku sugan Dalka Kuwait ayaa caawa kuln is xog-wareysi ah la yeeshay Jaaliyadda Soomaaliyeed ee ku nool dalkaasi.

Safiirka Soomaaliya u fadhiya Dalka Kuwait Danjire Cabdullaahi Odawaa ayaa kulanka goobjoog ka ahaa, Waxaana Wasiirku uu bulshada la wadaagay warbixin ku saabsan xaaladda guud ee dalka sida, Horumarinta dhaqaalaha, Maalgashiga, iyo La-dagaallanka Kooxaha Argagixisada.

“Qorshaha Horumarinta Qaranka ee aan sameynay meel wanaagsan ayuu marayaa, sidoo kale maalgashiga dalka lagu sameynayo ayaa heer lagu faani karo jooga.

Bishii November ee sannadkii tegay ayaan dalka ku qabannay Shir weyne Maalgashi oo aan dunida ku tusinnay heerka maalgashi ee dalkeennu maraayo.” Ayuu yiri Wasiir Beena-beene.

Safiirka Soomaaliya u fadhiya Dalka Kuwait Danjire Cabdullaahi Odawa ayaa faah-faahiyay howlaha u qabto Jaaliyadda Soomaaliyeed ee ku sugan dalkaas.

“Si dhow ayaan ula shaqaynaa jaaliyadda Soomalyeed ee halkaan ku nool, waxaa naga dhexeeya wada shaqayn qoto-dheer oo isfaham ku sallaysan, waxaana naga go’an ilaalinta dhaqanka suubban ee Soomaaliyeed taas oo ay laf-dhabar u yahiin Jaaliyaddu.” Ayuu yiri Safiirka Soomaaliya ee Kuwait Dalka Kuwait Danjire Cabdullaahi Odawaa.

Jaaliyadda Soomaaliyed ee Dalka Kuwait ayaa dhankooda Wasiirka ku bogaadiyay daadajinta iyo horumarinta dhaqaalaha dalka, xoreynta gobollada iyo Dowlad wanaagga.

Ugu dambeyn, Wasiirka ayaa ka mahad-celiyay soo dhaweynta loo sameeyay iyo daddaallada jaaliyadda ay waddo ee la xiriira horumarinta dalka.