WASIIRKA QORSHEYN IYO MAALGASHIGA DFS OO KULAN LA YEESHAY JAALIYADDA SOMALIYEED EE KU SUGAN DALKA CANADA.
Wasiiru Dowlaha Qorsheynta, Maalgashiga iyo Horumarinta Dhaqaalaha DFS Mudane Cabdirashiid Jire ayaa m kulana la qaaatay qaar ka mid ah Jaaliyadda Soomaaliyed ee ku nool Magaalada Calgary Alberta, ee dalka Canada, waxaana ay bogaadiyeen Xukuumadda Dan-Qaran iyo is abaabulka bulshada ee ka dhanka ah la dagaallanka Khawaariijta.
Wasaiiru dowlaha ayaa uga mahadceliyay dhammaan xubnaha uu kulanka la qaatay casho sharafta ah iyo soo dhaweynta ay u sameeyeyn Calgary, kagana warbixiyay guud xaaladda guud dalka.
“Waxaan warbixin kooban ka siiyey xaaladda uu dalku marayo iyo qorshaha xukuumadda Dan Qaran oo ay ugu horreyso cirib-tirka khawaarijta, waxayna ay aad u soo dhaweeyeen dagaalka lagula jiro khawaarijta iyagoo ii muujiyey taageerada iyo garab istaaga xukuumadda ayuu yiri Wasiir Cabdirashiid Jire oo ah Wasiiru Dowlaha Qorsheynta XFS.
Waxaa kale oo Jaaliyada iyo labeenta bulshada Soomaalida Calgary ee Dalka Canada ay isla soo hadal-qadnay Howlaha Gargaarka bulshada socda, dib u dhiska kaabayasha dhaqaalaha iyo adeegyada degdegga ah ee ay dowladdu gaarsiiso goobaha laga saaray kooxaha Alshabab.
