WASIIRKA BEENEBEENE OO SOO XIRAY KULANKA ANSIXINTA SIYAASADDA QARAN

Wasiirka Wasaaradda Qorsheynta, Maalgashiga iyo Horumarinta Dhaqaalaha XFS Mudane Maxamud Cabdiraxmaan Sheikh Farax (Beenebeene) oo ay wehliso Agaasimaha Kormeerka, Qiimeynta iyo Xalka Waara Marwo Zahra Abdi ayaa maanta soo xiray kullanka ansixinta Siyaasadda Qaran ee Kormeerka iyo Qiimeynta ee Soomaaliya.

Ujeeddada kullanka ayaa ku saleysneed ansixinta Siyaasadda Qaran ee Kormeerka iyo Qiimeynta oo mudo shaqadiisa ay waday Wasaaradda, wadatashiyana lagala yeeshay Wasaaradaha iyo Hay’addaha Dowladda heer Fedeeral iyo Dowlad-goboleedyada.
Siyaasadda Qaran ee Kormeerka iyo Qiimeynta ayaa laf-dhabar u ah qiimeynta iyo kormeerka mashaariicda horumarineed ee dalka ka socota si loo dar-dargeliyo ka mira-dhalinta Qorshaha Horumarinta Qaranka 9-laad (QHQ-9).

Wasiir Maxamud Cabdiraxmaan Sheikh Farax (Beenebeene) ayaa bogaadiyay dadaalka Agaasinka Kormeerka iyo Qiimeynta iyo dhamaan Wasaaradaha iyo Hay’adda qeybta ka ahaa sameynta Siyaasadda Kormeerka iyo Qiimeynta taas oo dhawaan la horgeyn doono Golaha Wasiiradda Soomaaliya.