WASIIR KU XIGEENKA CAAFIMAAD OO KULAN LA QAATAY XUBNO KA SOCDAY XAFIISKA RA’IISUL WASAARE XAMSE ABDI BARRE
Wasiirka Ku-Xigeenka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Maxamad Xassan Maxamed Bulaale ayaa kulan laqaatay madaxa ka socotay Qeybta Arimaha Bulshada ee Xafiiska Ra’iisal Wasaaraha iyo Xildhibaano kamida Gudddiga Arimaha Bulshada ee Golaha Shacabka oo ay Hogaaminaysay Xildhibaan Nadra Saalax Cabdi.
Kulanka waxaa diiradda lagu saaray halbeegyada waaweyn ee qorhseysan Wasaaradda ee ku aadan horumarinta Adeega Caafimaadka Dalka iyo dedajinta howlaha mudnaanta gaarka ah leh sida Sharicga Dawaada, Howlaha Caafimaad ee ku aadan Qorshaha Xasilinta Goobaha Dib looga xoreeya Al-Shabaab iyo Guud ahaan higsiga Wasaaradda Caafimaadka.
Madaxda kasocotay Xafiiska Ra’iisal Wasaaraha iyo Guddiga Arimaha Bulshada ee Golaha Shacabka ayaa bogaadiyay sida wanaagsan uu wasaaraddu u waddo shaqadda ay u xilsaarantahay Wasaaradda Caafimaadka, iyagoo sheegay in Xafiiska Ra’iisal Wasaaraha iyo Gudddiga Arimaha Bulshada ee Golaha Shacabka ay mudnaan dheeri ah sinayaan howlaha horutabint weyn u leh Wasaaradda Caafimaadka.
