WASIIR ALI MAREEXAAN OO KA TIRSAN MAAMULKA SOMALILAND OO GAARAY DAGMADDA GABO-GABO
Wasiirka Wasaaradda Horumarinta Khayraadka Biyaha iyo wefti balaadhan oo uu hogaaminayay ayaa safar shaqo kuย soo maray deegaanada waqooyiga gobolka Tog-dheer iyadoo si weyn loogu soo dhaweeyay deegaanka Ceel-Dheere ee Degmada Gebo-gebo.
Weftigan uu hogaaminayo Wasiirka Wasaaradda Horumarinta Biyaha Cali Xasan Maxamed (Cali Mareexaan) oo mudooyinkii u danbeeyey safaro shaqo ku soo marayayey deegaano ka mida gobolada ,gaar ahaana goboladda Togdheer iyo Sanaag ayaa gadhay deegaanka Ceel-dheere ee degmada Gaba-gabo ee waqooyiga gobolka Tog-dheer, iyadoo halkaasna si weyn loogu soo dhoweeyey Wasiirka iyo Weftiga la socota.
Weftiga ayaa deegaankaas u tegay dardar-gelinta iyo wacyi-galinta diwaan-gelinta doorashooyinka dalka. Wasiirka ayaa bulshada degmadaasi ka codsatay inay si weyn isu diwaan-geliyaan ,qaatana kaadhka cod-bixinta doorashada, sidoo kale wasiirka ayaa u kuur galay xaalada nololeed ee ka jirta deegaanadda hoos yimaada degmada Geba-gebo gaar ahaana deegaanka Ceel-dheer.
Dadka deegaanka ayaa ka codsaday wasiirka horumarinta biyaha Cali Xasan Maxamed (Cali Mareexaan) inuu wax ka qabto xaalada biyo laโaaneed ee ka jirta deegaanka Cee-dheer, wasiirka biyahaย oo dhankiisa ka jawaabay codsiga bulshada ayaa shegay in sahankii biyo raadinta Ceel-dheer laga sameeyey meelaha lagu tuhmayo in biyo laga helayo.
Ugu ย dambayn Wasiirka ayaa gaadhay degmada Gebo-gabo halkaas oo si weyn loogu soo dhoweeyey isaga iyo weftigiisa, wasiirka wasaaradda horumarinta khayraadka biyaha oo ka fal-celinaya baahiyaha ka jira degmada Geba-gabo ayaa sheegay inuu ku dadaali doono sidii degmadaasi u heli lahayd gaadiidka gurmada deg dega ah ee loo yaqaan ( Ambalace).
