WASAARADA WAXBARASHADA OO GORMEER KU SAMEEYSAY GOOBAHA WAXBARASHADA GOBALKA QORRAXEY .

Kormeerrada loogu kuurgalayo tayada waxbarashada iyo hannaanka baris-barasho ayay masuuliyiin ka tirsan xafiiska waxbarashada kusoo mareen dugsiyada gobolka Qorraxey iyo magaalada Qabridahar.

Wasiirka ku-xigeenka Xafiiska Waxbarashada DDS Mudane Maxamed Muuse Guure iyo masuuliyiin kale oo ku wehelinaysay kormeerkan ayaa ukuurgalay xaaladda dugsiyada degmooyinka Qabridahar, Laasdhankayre, Ceel-ogadeen, Shilaabo iyo Dhoobo-weyn. Waxaa inta dheeraa oo ay masuuliyiintani la kulmeen bareyaasha, waalidiinta iyo maamulka kulliyadda macallimiinta Qabridahar, iyaga oo sida oo kale ay kala qeybqaateen dhirbeeris lagu samaynayay kulliyadda macallimiinta.

Ugu dambayn kormeerkan ayaa looga gol’leeyahay sidii geeddi-socodka baris-barasho isbaddelka looga keeni laha iyada oo dhanka kalena la darsayo arrimaha ubaahan in la saxo.