Waa Maxay Sababta Roberto Firmino Looga Saaray Liiska Ciyaartoyda Liverpool?

Weeraryahanka Brazil ee mustaqbalkiisa shakigu ku jiro ee Roberto Firmino ayaa laga saaray liiska ciyaartoyda Liverpool ee safarka ugu tegay Manchester City, kulanka Carabao Cup ee Emirates Stadium.

Firmino oo kusoo bilowday labadii ciyaarood ee saaxiibtinimo ee Dubai ee Lyon iyo AC Milan ayaa la filayay inuu ciyaaro kulanka Man City, hase yeeshee Jurgen Klopp ayaa ka saaray liiskiisa iyadoo weerarka uu ka ciyaarsiiyey Darwin Nunez, Mohamed Salah iyo Fabio Carvalho. Reds oo ay sidoo kale dhaawac kaga maqan yihiin Luis Diaz iyo Diogo Jota ayaan qayb ka noqon ciyaarta Carabao Cup ee Man City, sababtuna waa in uu tababarkii ugu dambeeyey kasoo gaadhay dhaawac sababay in laga saaro liiska kooxdiisa.

Khatar badan ma aha sida la sheegay dhaawaciisu, hse yeeshee waxa lagu samayn doonaa baadhitaano iyadoo laga qaadi doono sawirro.   Xiddiga Brazil ayaa la sheegay in uu taam u noqon doono ciyaarta Leicester City ee December 30, balse uu ka maqnaan doono ciyaarta Aston Villa ee Boxing Day. Haddii uu laban ciyaarood taam u noqon waayo, waxa uu Firmino qayb ka noqon doonaa safarka ay kooxdiisu ugu geyi doonto Brentford January 2.