Tababaraha kooxda Chelsea Graham Potter ayaa ka warbixiyay dhaawaca Christian Pulisic
Tababaraha kooxda Chelsea Graham Potter ayaa ka warbixiyay dhaawaca Christian Pulisic iyo Raheem Sterling kadib guuldaradii 1-0 ee ka soo gaartay Manchester City.
Sterling ayaa la bedelay ka dib shan daqiiqo oo kaliya, waxaana la arkayay isagoo haya muruqa ka dib markii ay isku dhaceen John Stones.
Dhanka kale Pulisic ayaa sidoo kale lagu qasbay in uu garoonka ka baxo ka dib markii ay isku dheceen Stones daqiiqadii 22-aad.
Potter ayaa war cusub ka bixiyay Sterling iyo Pulisic ka dib guuldaradii City ee Stamford Bridge isagoo u sheegay beIN SPORTS:โRaheem waxa uu xanuun ka dareemay dhabarka lugtiisa markii uu isku dayay in uu cidhib dambe baas ku dhiibo waxa ay ahayd tallaabo la yaab leh iyo xaalad la yaab leh sidaas darteed wadnaha ayaan farta ku haynaaโ.
โRaheem waxa uu dareemay daqiiqadii ugu horeysay ee ciyaarta. Ka dib Christian waxaan rajeyneynaa in uuna ahayn mid aad u xunโ.
Dhaawacyada Sterling iyo Pulisic ayaa noqonaya kuwii ugu dambeeyay ee soo gaadha xiddigaha chelsea iyada oo kooxdu haatanba la daalaa dhacayso dhaawacyo badan.
NโGolo Kante (cawga), Reece James (jilibka), Edouard Mendy (garabka), Wesley Fofana (jilibka), Armando Broja (jilibka) Ruben Loftus-Cheek (canqawga), Ben Chilwell (muruqa) iyo Mason Mount (jug) ayaa dhamaantood kooxda haatan dhaawac uga maqan.
