Shirka Madaxda Afrika & Mareykanka oo furmaya & Madaxweyne Xasan Sheekh oo ka qeyb galaya…

Waxaa lagu wadaa in Maanta uu dalka Mareykanka ka furmo Shirka Madaxda Wadamada Afrika iyo Mareykanka, waxaana Soomaaliya ku matalaya Madaxwrynaha Soomaaliya Xasan Sheekh Maxamuud.

Shirka oo muddo Saddex Maalin ah socon doona ayaa dib u eegista xiriirka labada dhinac, kor u qaadista iyo xoojinta hay’adaha dawliga ah ee Afrika, muwaadiniintooda iyo weliba nidaamka dawliga ah, iyada oo loo marayo “in wadahadal laga yeesho, caqabadaha jira ee dhinaca caafimaadka, dimoqraadiyadda, maamul wanaagga, maalgelinta, horumarinta, isbedelka cimilada, iyo qodobo kale oo badan.

Shirkan ayaa sidoo kale diiradda lagu saarayaa, “sidii loo ballaadrin lahaa iskaashiga wakhtiga dheer soo socday ee u dhexeeya Maraykanka iyo Afrika, iyo in la horumariyo danaha ay labada dhinac wadaagaan, iyo kor u qaadida codadka Afrika si ay si wada jira uga hadli karaan caqabadaha horyaalla xilligan” ayuuu yiri sarkaal u hadlay dawladda Maraykanka oo magaciisa qariyey.

Madaxweynaha Soomaaliya Xasan Sheekh Maxamuud ayaa la filayaa in uu shirka khudbad ka jeediyo, isaga oo kaga hadli doona arrimo ku saabsan dagaalka ay dowladda kula jirto Al-Shabaab, Abaaraha iyo dhibaatooyinka kale ee kajira dalka.

Sidoo kale Madaxweyne Xasan Sheekh ayaa la filayaa in uu kulamo doceedyo kala duwan la qaato qaar kamid ah Madaxda ka qeyb galeysa Shirka Afrika iyo Mareykanka, isaga oo kala hadki doona arrimo ku saabsan Soomaaliya.