Shaxda Ay Man United Kaga Hor Tagi Karto Burnley…

Tabbare Erik Ten Hag ayaa lagu soo waramayaa in uu khamaar weyn galinayo xiddigihii soo ciyaaray kooxda Adduunka xilli uu raadinayo koobkiisii ugu horeeyay ee Man United muddo 5 sano ah.

Tababaraha reer Holland ayaa kooxdiisa caawa hogaamin doona kulankoodii ugu horeeyay ee Rasmi ah kadib dhamaadkii koobka adduunka marka ay wareega 16-ka Carabao cup la ciayarayaan kooxda Burnley.

Iyada oo 9 ka mid ah xiddigaha kooxdiisa ay Salaasadii ku soo laabteen tababarka kadib markii ay soo dhamaysteen koobkii adduunka, Ten Hag ayaa garan la’a si uu wax u xaliyo ama in uu halis galiyo.

Kabtanka Man United Harry Maguire ayaa ka mid ah xiddigaha uu Ten Hag halista galinayo kadib markii uu ciyaaray dhamaan kulamadii xulka England ee koobka adduunka.

Wargayska The Sun ayaa saadaliyay in uu Ten Hag samayn doono go’aano lama filaan ah kana mid yahay in uu daafaca ka ciyaarsiiyo xiddiga McTominay.

Hadaba halkan hoose kaga bogo shaxda laga yaabo in ay Man United kaga hor tagi karto Burnley.