Russia iyo Ukraine oo isweydaarsaday 50 maxbuus oo dagaal ah….
Ruushka iyo Ukraine ayaa isweydaarsaday 50 askari oo ah maxaabiis lagu qabtay dagaalka Axadii, waxaana uu ku yimi heshiis ay labada dhinacba soo dhaweeyeen xitaa intan ay socdeen dagaalada bariga Ukraine.
Wasaaradda difaaca ee Ruushka ayaa sheegtay in 50-ka askari ee Ruushka ah ee la soo celiyay loo duulin doono magaalada Moscow si ay u baxnaaniyaan caafimaadkooda jidheed iyo maskaxeed.
“8-dii January, natiijo wada hadal, 50 askari oo Ruush ah, oo ku jiray khatar dhimasho ah, oo ku sugnaa dhulka uu maamulo nidaamka Kyiv ayaa laga soo celiyay dhulka Ruushka,” ayaa lagu yidhi bayaan.
Ukraine ayaa xaqiijisay xogtan waxaanay sheegtay in Ruushka uu isna sii daayay 50 ka mid ah shaqaalaha Ukraine, taas oo qayb ka ah isla heshiiska.
“Maxaabiis dagaalka ee kale oo lagu guuleystay ayaa hore la isweydaarsaday. 50 askari oo Yukreeniyaan ah ayaa soo laabtay,” Andriy Yermak, madaxa xafiiska madaxtooyada Ukraine ayaa ku yidhi Twitter. “Si loo sii wado, waa inaan dadkayagii oo dhan guriga ku soo celinaa, waanu ku joognaa arrintaa.”
Yermak ayaa soo bandhigay sawirada askarta Ukraine ee la sii daayay oo boorsooyin cunto ku sita meel u dhow bas ay doonayeen inay fuulaan iyo muuqaal ay ku qaadayaan heesta calanka Ukraine mar ay socdaan.
