RONALDO IYO SAAXIIBTIIS SIDEE OOGU NOOLAAN KARAAN SUCUDIGA MAADAAMA GUUR KOODA UU YAHAY SAAXIIBTINIMO
Ronaldo ayaa ku biiray Alnasr , waxaana Sacuudiga kula nooloonaya saaxibtiisa Georgina Rodríguez iyo caruurtiisa , waxa ayna dad badan haatan is weydiinayaan sida Ronaldo iyo saaxibtiisa ugu noolaan karaan marka la eego xeerarka iyo sharuucda wadankaas ee aan ogaleyn xariir ka baxsan guurka kuna adag arrimaha labbiska iyo dhaqanka .
Ronaldo ayaa saaxibtiisa Georgina Rodríguez waxa ay u haysaa laba caruur ah waxa uuna 2016-kii u balan qaaday in uu guursan doono dhawaan.
Mucaaradka reer Sacuudi ee baxsadka ugu nool Ingiriiska ee Ghanem al-Dosar oo weeraraya maamulka Sacuudiga ayaa yiri ” Ronaldo weli ma guursan Georina sidee wadanka Xarameynka ugu noolanayaa,Shareecada Islaamku miyay ogolanaysaa xariir ka baxsan guurka?
Mid kale ayaa soo qoray ” haddii aad caan tahay wax dhib ah kuma jiro .
Aqriste kale oo ah dadka arimaha bulshada u ololeeya laguna magacaabo Qusey Subhi Al Qusy ayaa soo qoray” Georgina waxa loo aqoonsanayaa xaaska Ronaldo , xariirkooda waa cadeeyeen, sharuudaha guurkana waxaa ka mid ah cadeynta , waa ay la nooshahay waliba caruurtiisa daryeesha , warbaahinta 24 saac ayay isha ku haysaa”.
Isagoo tilmaamay in “xariirkoodu aanu waxba kaga duwanayn guurka, sharci ahaan, waxaa loo arkaa in ay isqabaan, ee ma aha saaxib hal habeen lala jiifto oo wadada laga soo qabsaday”
Ronaldo iyo saaxibtiisa ayaa la dajiyay qasri lacagtiisa gaareyso 12,2 milyan oo gini kaasi oo uu wareegsan yahay darbi weyn oo sharuucda Sacuudiga ka banaan noqonaya , waxaana xusid mudan in Georgina ay ku soo muuqatay cabaayaad bandhigii Ronaldo ee kooxdiisa Alnasr
