MADAXWEYNE XASAN SHEEKH OO GUDDOOMIYEY SHIRKA DALALKA JIIDDA-HORE EE DAGAALKA ARGAGIXISADA ALSHABAAB
Pep Guardiola Oo Ka Baqaya In Arsenal Gaadho Rikoodhkii Cajiibka Ahaa Ee Man City Ka Samaysay Horyaalka Premier League…
Tababaraha kooxda Man City ee Pep Guardiola ayaa sheegay inuu ka baqayo in Arsenal ay barbarrayso rikoodhkiisii horyaalka Premier League, isla markaana Gunners ay ku guuleysato horyaalka xilli-ciyaareedkan socda.
Manchester City oo u dagaallamaysa in snanadkii saddexaad oo xidhiidh ah ay ku guuleysato horyaalka ayaa waxay Khamiista habeen dambe ballansan yihiin Chelsea, haddii ay guuleystaanna waxay shan dhibcood u jirsan doonaan Arsenal, haddii se laga badiyo waxa hoggaanka lagaga hayn doonaa siddeed dhibcood.
Guardiola ayaa waxa uu sheegay inuu la dhacsan yahay waxyaabaha uu ka arkayo kooxda tababare Mikel Arteta ee Arsenal, waxaana uu qirtay inuu ku jiro dareen ah inay horyaalka ku guuleysan doonaan iyaga oo waliba barbarraynaya rikoodhkii 100ka dhibcood ee Man City.
Sida lagu yaraynayo farqigu waa in si fiican loo ciyaaro oo lagu guuleysto ciyaaraha. Laakiin Arsenal waxay gaadhi doonaa 100 dhibcood ama ka badan marka la eego sida ay illaa hadda yihiin. Haddii ay sii wadaan, ma soo qaban doono. Ayuu yidhi Pep Guardiola. Tababaraha Man City oo hadalkiisa sii wata ayaa intaa raaciyey: Waa in aanu noqono kuwo sax ah oo guuleysta laga bilaabo halkan illaa dhamaadka xilli ciyaareedka, sababtoo ah waxa aanu rajaynaynaa in dhibcaha ay luminayaan ay yaraan doonaan, tusaale ahaan, shalay heersare ayay ahaayeen. Waynu arki doonaa waxa dhaca.
