Pakistan oo Soomaaliya u ballan-qaadday in ay ka taageereyso daadejinta nidaamka Federaalka & Waxbarashada.
Dowladda Pakistan ayaa sheegtay in ay Soomaaliya ka gacansiineyso in ay ka taageerto dhinacyada ballaarinta nidaamka Federaalka si loo xoojiyo Dowladaha xubnaha ka ah Dowladda Federaalka, diiwaangelinta Muwaadiniinta & fursadaha Waxbarashada.
Wasiirka Warfaafinta Pakistan oo ka hadlay Munaasabad lagu qabtay xarun dhaqanka lagu soo bandhigo isla markaana uu goobjoog ka ahaa Wasiirka Arrimaha Gudaha, Federaalka & Dib u heshiisiinta XFS Axmed Macalin Fiqi & Xubno katirsan Wasaaradda Caddaaladda & Dastuurka Soomaaliya ayaa sheegay in Islamabad ay taageero xooggan la garab-taagan tahay Muqdisho.
Waxa uu tilmaamay in Soomaaliya ay Pakistan ka heleyso waaya-aragnimo ku filan oo ah dhanka Caddaaladda, Dastuurka, Nidaamka Dowlad-Goboleedyada & Waxbarashada iyada oo lagu lifaaqayo xiriirka faca weyn ee labada dal ka dhaxeeya.
Qamar Zaman Kaira oo ah Wasiirka Arrimaha Kashmiir iyo Degaanada Waqooyi ahna Wasiirkii hore ee Warfaafinta Pakistan ayaa sheegay in dhalinyaro Soomaali ah ay fursado waxbarashado ka heleen dalkiisa kana faaiideysteen.
โHannaanka Hagaagsan ee Dimuqraadiyadda Pakistan waa hab Soomaaliya wax ka baran karto sidii ay u heli lahayd waaya-aragnimo, taageero buuxda ayaan ka siineynaa Soomaaliya in ay horumar ka sameyso dastuurka & dhismaha Dowlad wanaaggaโย ayaa yiri Qamar Zaman Kaira.
Pakistan & Soomaaliya waxa ay xubno ka yihiin Ururka Waddamada Islaamka, Islamabad & Muqdisho waxa ay ku ballameen in la xoojiyo taageerada dhanba dhanka kale uu uga baahan yahay si loo xoojiyo cilaaqaadkooda.
