Neymar Oo Ka Hadlay Haddii Uu Xulka Brazil Ka Fadhiisanayo Kaddib Qalbi Jabkii Koobka Aduunka…
Hoggaamiyaha xulka Brazil ee Neymar ayaa ka hadlay haddiiba uu kubadda cagta heer caalami ka fadhiisanayo kaddib markii ay xalay qaab niyad-jab leh uga hadheen koobka aduunka sanadkan 2022.
Neymar ayaa 30-kii daqiiqo ee dheeriga ahaa ee lagu daray kulankii Croatia dhaliyay gool loo arkayay midka Semi-Finalka geeyay Selecao balse xulka ree Yurub ayaa xilli dambe iska soo guday goolkaas rigoorayaalna ku badiyay.
Neymar oo saxaafada la hadlay ciyaartaas kaddib ayaa si cad u sheegay inuusan waxba ballanqaadi karin taas oo ka dhigan inay macquul tahay inuu Brazil ka hawl-gabaa.
Daacadii anigu ma garanayo. Waxaan filayaa inaan hada hadlaa way xuntahay sababtoo ah kulaylka daqiiqadan, laga yaabaa in aanan si toos ah u fikirayn ayuu yidhi 30 sano jirka PSG.
Inaan idhaahdo tani waa dhammaadkii waa inaan naftayda dedejinayo balse sidoo kale waxba ma ballanqaadayo aynu aragno waxa dhaca mustaqbalka
