MUDANE AADAN FAARAX OO SHEEGAY IN XISBIGA BARWAAQO UU XOOGA SAARAYO HOWLAHA ILAALINTA XUQUUQDA IYO DANAHA DHALINYARADA
Madaxwayne ku xigeenka Xisbiga Barwaaqo ahna Madaxa Xarunta dhexe ee Xisbiga Mudane Aadan Faarax ubraahim ayaa sheegay in Xisbiga Barwaaqo uu fiiro gaar ah siinayo hawlaha ilaalinta xuquuqda iyo danaha dhalinyarada.
Madaxweyne ku xigeenka ayaa magaalada Adaama si rasmi ah uga daah furay shirwaynaha 1aad ee ururka dhalinyarada xisbiga barwaaqo.
Mudane Aadan ayaa sheegay in Xisbiga barwaaqo uu yimid halgan iyo naf huris balaadhan ee dhalinyarada ka qaadatay dhismaha xisbiga islamarkaana ay dhalinyaradu ahmiyad wayn u leeyihiin dhismaha nidaamka siyaasadeed ee ka fog dhagarta iyo xagjirnimada ee uu xisbigu wado.
Masuulka ayaa tilmaamay in 51% xubnaha xisbiga barwaaqo ay dhalinyaro yihiin, Halka Hogaaminta xisbigu 60% ay dhalinyaro yihiin, taasina ay muujinayso sida uu xisbigu ahmiyad gaar ah u siiyey dhalinyarada.
Sidookale Madaxweyne ku xigeenku Waxa uu cadeeyay in si looga baxo marxaladaha colaadeed iyo dagaalada labilaabayo dhaq-dhaqaaqyo si wayn dhalinyarada looga qayb geliyay, islamarkaana uu ka qayb galka abaabulan ee dhalinyaradu uu qayb libaax ka qaadan doono xaqiijinta himilada xisbiga.