MANCHESTER UNITED OO LA SOO WAREEGI RABTO CIYAARIYAHAAN HORI UGU CIYAARAY CHELSEA IYO ARSENAL.
Weeraryahanka AC Milan Olivier Giroud ayaa lagu soo waramayaa inuu si lama filaan ah ugu noqday kooxda Man United.
Erik ten Hag ayaa suuqa ugu jira weeraryahan cusub ka dib markii Red Devils ay iska fasaxday Cristiano Ronaldo dhamaadkii bishii November sabab la xidhiidha waraysi muran badan dhaliyay oo uu bixiyay.
United ayaa si xoogan loola xiriirinayay weeraryahanka Cody Gakpo, laakiin xiddiga ayaa ku biiray kooxda Liverpool kadib markii ay Reds si deg-deg ah u dhamaystirtay saxiixa xiddiga.
Xiddiga Joao Felix ee Atletico Madrid ayaa lala xidhiidhinayay maalmihii ugu dambeeyay laakiin Kooxda reer Spain ayaa dalbatay lacag dhan 21 milyan si ay amaah ugu fasaxdo xiddiga taas oo keentay in ay isaga baxdo baacsigiisa.
Sida laga soo xigtay The Times, Man United ayaa haatan ka fikiraysa inay u dhaqaaqdo xiddigii hore ee kooxaha Arsenal iyo Chelsea ee Giroud.
36-sano jirkaan ayaa dhaliyay 105 gool 253 kulan oo uu u saftay Gunners intii u dhaxeysay 2012 iyo 2018, ka hor inta uuna u dhalin 39 gool 119 kulan 2 sano oo uu joogay chelsea.
Giroud ayaa kadi tagay Chelsea xagaagii 2021 waxana uu ku biiay Ac Milan oo uu u dhaliyay 23 gool 57 kulan oo uu u ciyaaray tartamada oo dhan.
