MAGAALADA QABRIDAHAR WAXAA KA FURMAY SHIRKA NABADGALYADA GOBALKA QORRAXEY

Magaalada Qabridahar waxaa ka qabsoomay shirka nabadgelyada gobolka Qorraxey.

Shir lagaga tashanayay sidii loo adkayn lahaa nabadgelyada gobolka Qorraxey ayaa ka qabsoomay magaalada Qabridaharre. Waxaana soo agaasimay hay’adaha amniga ee gobolka iyo kuwa maamulka magaalada, iyada oo uu shirgudoominayay Komishineer ku-xigeenka Komishinka Booliska DDS R/K. Cali C/Jabaar oo ay weheliyaan waxgaradka gobolkaasi.

Shirkan ayay ujeedadiisu ahayd sidii loo adkayn lahaa amniga loona sixi lahaa galdaloolooyinka jira ee gobolka, si wadajir ahna looga hortagi lahaa arrimaha keenaya amnidarrada loogana wadashaqayn lahaa iskuxidhka booliska iyo bulshada.