MADAXDA WASAARADDA QORSHEYNTA OO KULAN LA QAATAY XARUNTA QALKA SARE GUDIGA ARIMAH DIBADDA
Madaxda sare Wasaaradda Qorsheynta ayaa maanta kulan kula qaatay xarunta Aqalka Sare Guddiga Arrimaha Dibadda, Qorsheynta Maalgashiga iyo Iskaashiga Caalamiga ee Aqalka Sare.
Kulanka oo uu hogaaminaaye Wasiirka Wasaaradda Qorsheynta Maalgashiga iyo Horumarinta Dhaqaalaha XFS, Mudane Maxamuud Cabdiraxmaan (Beenebeene) waxaa ka soo qayb galay Wasiir ku xigeenka Wasaaradda, Kusimaha Agaasimaha Guud ahna Agaasimaha Kormeerka, Qiimeynta iyo Xalka Waara Marwo Zahra Cabdi Maxamed, Agaasimaha Guud Hay’adda Istaatistikada Qaranka Mudane Sharmarke Faarax, Agaasime ku xigeenka hay’adda mudane Cabdiraxmaan Daahir Cumar, Agaasimayaasha Waaxaha iyo howlwadeenada Wasaaradda.
Kulanka ayaa diiradda lagu saaray qorshe howleedka Wasaaradda sannadkaan cusub ee 2023, howlaha horu-tabinta u leh dalka, xogaha deeqaha caalami, mashaariicda dalka ka socda iyo saameynta togan ee bulshada ku yeesheen, dhiiragelinta maalgashiga, horumarinta dhaqaalaha iyo howlaha kala duwan ee horyaala Hay’adda Istatistikada Qaranka oo ay ka mid tahay tirakoobka dadweynaha iyo guryaha ee dalkeenna.
Guddiga Arrimaha Dibadda, Qorsheynta Maalgashiga iyo Iskaashiga Caalamiga waxey boggaadiyeen daddaalada Wasaaradda waxayna ballan qaadeyn fududeynta arrimaha kaga aaddan sharci dejinta gaar ahaan hindiso sharciyeedyada ee Wasaaradda soo gudbisay.
