MAAMULKA TOG-WAJAALE OO LUGU QABTAY WAXQABADKA MIISAANIYADDA 6 BILOOD EE LA SOO DHAAFAY
Waxaa Maamulka Magaalada Tog-wajaale lagu qabtay kulan lagu qiimeynayay waxbixinta waxqabadka sannad-miisaaniyeedka 2015-ka 6-dii bilood ee la soo dhaafay.
Kulankan oo uu shir-guddoominaayay siihayaha Duqa Maamulka Magaalada Tog-wajaale ahna ku-xigeenka Duqa Mudane Muxyadiin Cabdi ayna ka soo qeybgaleen masuuliyiinta Maamulka Maamulka Tog-wajaale ayaa lagu soo bandhigay warbixinta waxqabadka sannad-miisaaniyeedka 2015-ka ee 6-dii bilood ee la soo dhaafay, adeegbixinta guud, waxqabadka qorshihii baraamijka dalag iyo daryeel iyo dakhliga.
Mudane Muxyadiin Cabdi sii hayaha jagada Duqa Maamulka Magaalada Tog-wajaale ahna ku-xigeenka duqa ayaa sheegay inay guulo wanaagsan ka keeneen dhanka dakhli-uruurinta, qorshihii barnaamijka dalag iyo daryeel iyo adeegbixinta ayna u qorshaysan tahay inay sii xoojiyaan.
