MAAMULKA DAGMADDA XUDUR OO KULAN LAQAATAY SARAAKIISHA ETHIOPIA EE KU SUGAN DAGMADDA XUDUR.
Kulankaan oo ka dhacey xaruunta Ciidamada Ethiopia ee mgaalada Xudur waxaa ka qeybgaley Gudoomiye Kuxigeenka Koowaad Cali Xuseen iyo Gudoomiye Kuxigeenka Labaad ee Degmada Raxmo Nuur Aadan ayaa looga Hadley boogaadinta kaalinta Ciidamada iyo Saraakiisha Ciidamada Ethiopia ee kusugan magaalada, kuwaasoo oo qeyb weyn ka qaatey la dagaalanka Argagaxisada Alshabaab iyo inay gargaar u sameeyaan Bulshada kala duwan ee dhibaatooyinka Ragaadiyey.
Gudoomiye Raxmo Nuur Aadan ayaa Saraakiisha CIidamada uga mahadcelisey Kaalintooda muhiimka ee dhankasta ay uga garab istaaganyihiin Bulshada, waxeyna xustey in Ciidamada ay waxbadan u qabteen Bulshada waxey Bulshada u muujiyeen kalsooni oo Cadowga ayey ka xureeyeen, gargaar ayey u sameeyeen iyo Sidoo kale habeen iyo maalin ay u taaganyihiin badbaadinta Bulshada.
Dhammaa masuuliyiintii ka qeybgashey ayaa amaan usoo jeediyey CIidamada iyo Dowladda Ethiopia, sida Bulshada mudada dheer dhibaatooyinka kujireen ay u garab istaageen, Sidoo kale Kulanka ay manta yeesheen maamulka iyo Saraakiisha ayaa waxaa deeq Lacageed oo gaareysa 500$ oo ay iska soo aruuriyeen Ciidamada Etheopia lagu wareejiyey midkamid ah Bulshada oo dhibaato Nololeed ku heysatey magaalada Xudur, waxeyna sheegeen in muhiim ay tahey in la is garab siiyo.
Kulanka ka dhacey xaruunta CIidamada Ethiopia ayaa sidoo kale waxaa goobjoog ka ahaa Xubno katirsan Golaha Deegaanka Degmada Xudur, maamulka Gobolka iyo marti sharaf kale, Dhammaantood ay isku raaceen in Ciidamada Dowladda Ethiopia ay yihiin kuwo Naftooda iyo maalkooda ay ku garab siinayaan Bulshada magaalada Xudur ayna kaga mahadcelinayaan.
