Kooxda Shakhtar Oo Arsenal U Sheegtay Halka Waddo Ee Ay Ku Heli Karaan Mykhailo Mudryk..

Agaasimaha ciyaaraha kooxda  ee  Darijo Srna ayaa qiray in kooxo kala duwan ay u waalanyaan saxiixa Mykhailo Mudryk

Wargeyska Marca ayuu agaasimahaas ka yiri” kooxdii dooneysa Mykhailo Mudryk waa in ay lacag badan bixiyaan  haddii kale kooxda ma iibineyso”.

Waxa uu intaas sii raaciyay” Jack Grealish  waxaa lagu iibiyay lacag 100 milyan kor u dhaafeysa , sidaa darteed Mykhailo Mudryk intaas kama yaraan karo”.

Arsenal ayaa xagaagii la soo dhaafay  waxa ay 100 milyan oo gini ku  soo iibsadeen Jesus , Fábio Vieira iyo Oleksandr Zinchenko

Wargeyska The Sun ayaa qoraya in Arsenal diyaar u yihiin in ay bixiyaan kaliya 50 milyan balse qiimahaas  waa ka hooseeya midka kooxda reer Ukrine dalbanayaan

Mykhailo Mudryk ayaa xilli ciyaareedkaan dhaliyay 8 gool halka 7 kalana uu sameeyay

Arsenal ayaa dooneysa in garabka iska xoojiyaan gaar ahaan markii amaahda ay xagaagii hore ku direen Nicolas Pepe