ISKAASHATADA MURUQ MAAL OO DOORATAY HOGAAN CUSUB .
Iskaashatada Caano-leyda Suuqa Gobanimo ee magaaladda Hargeysa ee Muruq Maal ayaa doortay hogaan cusub oo hogaamin doona ururkaas.
Munaasibadii lagu dooranaayey hoggaanka ururka Caano-leyda Muruq Maal ee suuqa Gobanimo ayaa waxa goob joog ka ahaa xubnaha iskaashatadan ,waxaana goobta lagu dooranaayey hogaanka ururkan ka hadlay xubno kamid ah Iskaashatada Muruq-maal,iyaga oo duco iyo waanoba u jeediyey xubnaha cusub ee loo doortay hoggaanka hagi doona iskaashatadan.
Guddoomiyaha ururka Muruq Maal ayaa loo doortay Xaliimo Yuusuf Nuur,halka guddoomiye ku xigeenna loo doortay Aamina Daahir Cali,waxaana Xoghaye loo doortay Yurub Camaje Xasan.
Xubnaha ururka Muruq Maal ee caano-leyda suuqa Gobanimo ee caasimadda Hargeysa oo markii la doortay hogaankooda cusub goobta ka hadlay ayaa soo dhaweeyey hogaanka cusub ee ururkaas loo doortay,iyaga oo ballan qaaday inay la shaqayn doonaan.
