HAAYADDA CAMUUD FOUNDATION OO DEEQ RAASHIIN AH GAARSIISAY BULSHADA KU DHAQAN DAGMADDA BEER EE GOBALKA TOG-DHEER

Hay’adda Samafalka ee Camuud Foundation ayaa deegaanka Beer ee gobolka Togdheer gaadhsiisay raashin oo ay ugu talo gashay dadka abaaruhu ay saamaynta ku yeesheen ee degmada Beer ee gobolka Togdheer ku nool.

Raashinkan oo ka koobnaa Bariis,Sonkor ,Saliid iyo Timir,waxaanay raashinkan gaadhsiisay dad tiradoodu gaadhayso 300 oo qoys oo ku nool deegaanka Beer,waxaana kasoo qayb galay munaasibadii lagu qaybinaayey raashinkan mas’uuliyiin ka socotay hay’adda Camuud Foundation,maamulka deegaanka Beer ,maamulka gobolka Togdheer iyo marti sharaf kale oo tiro badan.

Waxa ugu horeyn halkaas ka hadlay xidhiidhiyaha hay’adda Camuud Foundation u qaabilsan Geeska Afrika Axmed Cabdi Ismaaciil,waxaanu ka warbixiyey deeqda raashinka ah ee ay hay’adda Camuud Foundation ka qaybisay degmada Beer,waxaanu tilmaamay in ay maamulka gobolka Togdheer iyo ka degmada Beer ku wareejiyeen,isla markaana ay qaybiyeen raashin loogu talo galay saddex boqol oo qoys,kuwaas oo ay ugu talo galeen in ay muddo bil ah isticmaalaan qoysaska loo qaybiyey.

Waxa iyaguna halkaas ka hadlay xoghayaha gobolka Togdheer Weli Khayre iyo maamulka degmada Beer, waxaanay si weyn ugu mahadnaqeen maamulka hay’adda Camuud Foundation,iyaga oo cadeeyey in ay raashinkaas oo ahaa 300 oo qoys raashinkood u qaybiyeen dadkii loogu talo galay