MADAXWEYNE XASAN SHEEKH OO GUDDOOMIYEY SHIRKA DALALKA JIIDDA-HORE EE DAGAALKA ARGAGIXISADA ALSHABAAB
GUDOOMIYAHA HAAYADDA MAAREEYNTA IYO MUSIIBOOYINKA QARANKA OO KULAN KULA QAATAY GUDAHA DALKA TURKIGA XUBNO KA MID AH HAAYADDA BISHA CAS.
Guddoomiyaha Hay’adda Maareynta Musiibooyinka Qaranka Mudane Maxamuud macalin Cabdulle oo maalmahan safar shaqo ku joogo dalka Turkiga ayaa kulan la qaatay maamulka sare Bisha Cas ee dalka Turkiga.
Kulankan oo ka dhacay xarunta dhexe ay Bisha Cas Turkiga ku leedahay magaalada Ankara ayaa Guddoomiyaha Hay’adda Maareynta Musiibooyinka Qaranka iyo wafdigiisa waxaa kusoo dhaweeyay Alper Kucuk oo ah Agaasimaha guud arrimaha caalamiga ee Bisha cas Turkiga.
Alper Kucuk Agaasimaha guud ee arrimaha caalamiga Bisha cas Turkiga Ayaa u sheegay Wafdiga Hay’adda Maareynta musiibooyinka in ay Bisha cas Turkiga diyaar u tahay in ay si dhow ula shaqeeyso, asigoo u ballan qaaday in ay ka tageeri doonaan arrimaha gurmadka deg degga ah oo ay Bisha cas Turkiga khibrad dheer u leedahay.
