GUDOOMIYAHA GOBALKA HIIRAAN OO KA TACSIYEEYAY GEERIDA TALIYE KU XIGEENKA DANAB

Gudoomiyaha Gobalka Hiiraan mudane cali jeeyte Cismaan ayaa ka tacsiyeeyey geeridii ku timid Allaha u naxaristee shahiid Taliye Xigeenkii Ciidanka Kumaandooska Danab ee Xoogga Dalka Soomaaliyeed Gaashaanle Marxuum Xasan Maxamed Cismaan (Xasan Tuure) iyo geesiyaashii Ciidamada Qaranka ee saakay ku shahiiday weerarkii fulaynimada ahaa ee ku biloowday Qaraxyadda oo kooxda Khawaarijta ah ku qaaday magaaladda Galcad Gobolka Gadaduud ee Maamulka Galmudug.

Gudoomiyaha Gobalka Hiiraan ayaa xusay in Taliye xasan tuure uu ahaa shaqsi geesi,ah daacad, u ah Qarankiisa kana go-need xaqiijinta yoolkiisa Soomaaliya oo nabad ah asigoo xusay in dagaalo Badan aay Isla galeen ku waas oo khawaarijta Looga xureeyey deegano badan oo Gobalka Hiiraan ka tirsan.

Gudoomiyaha ayaa ehelkii qarabadii iyo Taliska ciidanka xooga Dalka soomaaliyeed uga tacsiyeeyey geerida marxuum gashaanle Xasan Maxamed Cismaan (Tuure)asigoo alle uga baryay Inuu naxariistiisa Jano siiyo.