Soomaaliya Maxay Ka Faa’iideysaa Heerka Cusub Ee La Gaadhsiiyey Hawadeeda?
GUDOOMIYAHA DAGMADDA XUDUR OO SOO DHAWEEYAY WAFDI KA SOCDA HAAYADA WHO OO SOO GAARAY DAGMADA XUDUR
Gudoomiyaha Degmada Xudur ahna duqa magaalada mudane Cumar Cabdulaahi Maxamuud ayaa garoonka diyaaradaha kusoo dhoweeyey Wefdi ka socdey Hay’adda Q.M u qaabilsan Caafimaadka ee WHO oo maanta soo gaarey magaalada Xudur.
Gudoomiyaha iyo Saraakiisha kasocotey Hay’adda WHO ayaa imaatinkooda kadib waxey kormeereen Isbitaalka Guud ee Gobolka Bakool, halkaas oo WHO ay ka fulineyso mashaariic kala duwan, waxey ugu horeyn kormeer ku sameeyeen dhismaha Isbitaalka guud ee Gobolka Bakool oo heer Gaba-gabo maraya.
Maamulka Degmada Xudur oo garab ka heleya Dowladda Koonfur Galbeed iyo Hay’adaha kala duwan ayaa xoogga isugu geeyey horumarinta adeegyada Bulshada, si gaar ah adeegga Caafimaadka, Gudoomiye Cumar Cabdulaahi ayaa uga mahadceliyey Saraakiisha Hay’adda WHO ee marwaliba u taagan in Bulshadu ay ka taageeraan horumarinta adeegga Caafimaadka.
Gudoomiye Cumar Cabdulaahi Maxamuud ayaa sidoo kale madaxda la wadaagey muhiimadda uu Bulshada u leeyahey dhismaha Isbitaalka, Balse ay muhiim tahey in la helo Qalab iyo Daawooyin ku filan Bukaanada ka-kala imaada tuulooyinka iyo deegaanada, waxaana ku wehlinaayey Gudoomiye kuxigeenka Gobolka Bakool, Gudoomiye kuxigeenada Degmada Xudur, qaar kamid xubnaha Golaha deegaanka, iyo Isku-duwaha Wasaaradda Caafimaadka Gobolka Bakool.
