GOLAHA XILDHIBAANADA JOOGTADA DDS OO KULAN LA QAATAY BULSHADA GOBALKA AFDHEER
Qeybaha kala duwan ee bulshada waxaa kulan la qaatay xubnaha guddiga joogtada ah ee golaha xildhibaannada ee ka hawlgalayay gobolka Af-dheer.
Ujeedka kulankan oo ahaa wadatashi iyo wacyigelin ayaa diiradda lagu saarayay sii adkeynta arrimaha nabadgelyada iyo ilaalinta xuduudaha cadawgu ka dhaw yahay, sida oo kalana bulshadu kusoo bandhigaysay baahiyaha aasaasiga ah iyo caqabadaha hortaagan islamarkaana guddiga golaha xildhibaannadu ka dhagaysanayeen cabashada shacabka.
Dhinaca kale, guddiga joogatada golaha xildhibaannada ayaa soo kormeeray mashaariicaha horumarineed, xarumaha caafimaadka, dugsiyada waxabarasho ee hoose, dhexe iyo sare ee magaalada Baarrey.
Ugu dambayn guddiga ayaa kulan xog iswaydaarsi iyo talo’bixin isugu jira la wadaagay kaabineega degmada Baarrey, si ay u kala qaataan dhalliilahii ay ku soo arkeen iyo sidii loo sixi lahaa.
