FILTU 477 ARDAY OO KA QALIN JIBISAY XIRFADAHA GAAGABAN OO LOO QABTAY XAFLAD QALIN JIBIN AH.

Filtu: 477 arday oo bartay xirfadaha gaagaban ayaa xaflad qalanjabin ah loo qabtay

Dufcaddani oo ah dufcaddii 6aad ee ka qalan-jabisay xirafada gaagaban ee kulliyada tababarada xirfadaha iyo farsamada ee Filtu, ayaa waxaa munaasabada qalinjabinta kala soo qeybgalay masuuliyiinta maamulka gobolka Liibaan oo uu uga horeeya hogaanka nabadgalyada iyo maamulka degmada Filtu, waalidiinta dhalay ardayda, iyo marti-sharaf kale.

Ardayda oo waxbarashada wadday muddo dhan 45 cisho ayaa waxa ay ku baranayeen muddadi ay waxbarashada wadeen xirfadaha kale ah caafimaadka xoolaha, qurxinta dumarka, tolidda dharka, dhismaha, biyaha, makaanikada, Ict iyo hagaajinta korantada.