DR AbI AXMED OO KA QEYB GALAY DHOOLATUS CIIDAN OO KA DHACAY MAGAALADDA AWAASH

Raysalwasaaraha dalka ahna abaanduulaha guud ee Ciidanka Difaaca Qaranka Dr. Abiyi Axmed ayaa sheegay in lagu gudajiro dadaal lagu dhisayo laguna casriyaynayo ciidanka cirka iyo ciidanka qalabaysan, si dagaallada loogu soo gabo’gabeeyo cudud ciidan oo kooban iyo hub casri ah oo tira badan.

Raysalwasaaraha ayaa hadalkani ka sheegay mar uu soo kormeeray dhoolatus ciidan oo ay si wadajir ah uga qeybgaleen ciidanka cirka iyo ciidanka dhulka ee qalabaysan oo ka qabsoomay magaalada Awaash.

Sida oo kale Raysalwaasare Dr. Abiyi Axmed ayaa kormeer ku tagay xerada ciidanka cirka ee ku taalla magaalada Bishooftu, halkaasi oo uu indho’indhayn ku sameeyay ciidamada cirka ee halkaasi ku sugan iyo sida ay diyaarka ugu yihiin in ay gutaan waajibaadkooda.

Socdaalkani kormeerka ah ayaa waxaa raysalwasaaraha ku weheliyay Taliyaha Ciidanka Difaaca Qaranka Feild Marshaal Birhaanu Juula, Taliye ku-xigeenka Ciidanka Difaaca Qaranka Jannaraal Ababaw Tadase, Taliyaha Ciidanka Cirka Itoobiya Jannaraal Yilma Mardaasa, komishinneerka booliska fedwraalka Jannaraal Damalash Gabramakail iyo taliyeyaal sarsare oo ka tirsan Ciidanka Difaaca Qaranka ee dalka.