Dowladdaha Sacuudiga iyo Australia oo u digay Muwaadiniintooda ku sugan Pakistan
Dowladdaha Sacuudiga iyo Australia ayaa ugu dambeeyey Dowladaha Digniinta ka soo saaray cabsi la xiriira weeraro ka dhaca Caasimadda dalka Pakistan ee Islamabad.
Safaarada Sacuudiga ku leedahay Caasimadda Pakistan ee Islamabad ayaa soo saartay Digniin dhanka Amaanka,ย iyadoo Muwaadiniintooda kula talisay inay Feejignaadaan iyo inay xadidaan Dhaqdhaqaaqooda.
Dowladda Australia waxay iyagana soo saareen Digniin ku wajahan Muwaadiniintooda ku suganย dalka Pakistan.
Wakiilka Sare ee Ergada Australia ka jooga Pakistan,ย Neil Hawkins waxa uu Muwaadiniintooda kula taliyey inay kordhiyaan Feejignaantooda iyo inay xadidaan socodkooda gudaha magaalladda Islamabad.
Digniinahaasi waxay soo baxeen hal maalin kadib, markii ay Safaarada Maraykanka ka joojiyeen Shaqaalahooda inay booqdaan Hotelka caanka ee Marriott ee ku yaalla Islamabad,ย cabsi laga qabo inay weeraro ka dhaca.
Safaarada UK ee Islamabad ayaa iyadana soo saartay Digniintaasi oo kale, halka ay dhowr Safaaradooda ee fadhigooda yahay Pakistan kula fuliyeen Muwaadiniintooda iyo Shaqaalahooda ku sugan Caasimadda Federalka Pakistan ee Islamabad inay xadidaan socodkooda ilaa laga gaarayo bisha January 1-da ee sanadka cusub ee 2023-ka.
Dhanka kale,ย Boliska magaalladda Islamabad waxay kordhiyaan Feejignaanta Amaanka Caasimadda, gaar ahaan baaritaanada Guud shssn Baraha laga soo galo iyo kuwa laga baxo ee magaalladda Islamabad.
Jimcihii la soo dhaafay, weerar Is-qarxin oo ka dhacay Islamabad waxaa ku geeriyooday Askari Bolis ah iyo Dareewalkii Taxi.
Dalka Pakistan waxaa 22-kii sano ee la soo dhaafay ka dhacay 504 weeraro Is-qarxin ahaa oo ay ku naf waayeen 6,748 qof, kuna dhaawacmeen 15,111 qof, sida lagu sheegay Warbixin ka soo baxday Hayโadaha Amaanka ee dalkaasi.
