DOWLADDA UGANDA OO BAADI GOOBEYSO DALAWAR SOMALI AH OO GEEYSTAY SHIL GAARI
Boliaka dalka Ugandw ayaa sheegay inay raadinayaan Dareewalka Soomaaliga ah oo baxsad ah, kadib, markii uu shalay oo Jimco ahayd Shil Gaari ku dilay Haweeney 22-jir ah oo lagu Magacaabi jiray Mary Akullo.
Dareewalka oo magaciisa lagu soo koobay Burhan ayaa ah Muwaadin Soomaali oo degan Kakuma ee dalka Suudaanta Koonfureed ayaa lagu eedeynayaa inuu gaarigiisa ku jiiray Haweeneydaasi.
Shilkaasi waxa uu ka dhacay Wadadada Juba Road ee qeybta Galbeed ee magaalladda Lira City ee dalkaasi.
Afhayeenka Bolis-Gobaleedka Waqooyiga Kyoga (The North Kyoga), Patrick Jimmy Okema ayaa u sheegay Wargeyska The Monitor inuu Eedeysanaha oo kaxaynayey gaari noociisu ahaa Mercedes Benz uu ku dhacay Mooto waday Haweeney Rakaab ah iyo dhowr Jawaan oo Galley ah.
Gaariga shilka geystay waxa uu Lambarka Taarigadiisu ahaa (Reg. No. SSD 121Q/SSD 648 Mercedes Benz).
Afhayeenka waxa uu intaasi ku daray inay Haweeneydii ka dhacday Mootadii, kadibna uu jiiray Gaarigii, iyadoo Haweeneydii ku geeriyootay Shilkaasi.
Afhayeen Okema waxa uu tilmaamay inay Boliska ku baxeen Shilkaasi, iyadoo maydka Haweeneyda la dhigay Qeybta Maydadka ee Isbitaal-Gobaleedka ee Lira Regional Hospital.
Dareewalka Soomaaliga waxaa la sheegay inuu baxsaday, isagoo gaarigii kaga tegay goobta uu shilka ka dhacay.
Dhanka kale, Afhayeenka Bolis-Gobaleedka Waqooyiga Kyoga, Patrick Jimmy Okema waxa uu xusay inay Saraakiisha bilaabeen Baaritaano iyo inay raadiyaan Dareewalkii baxsaday ee geystay Shilkii sababay geerida Haweeneyda lagu magacaabi jirey Mary Akullo.
