Dadka Diiddan Iskaashiga Somaliland Iyo Maraykanku, Ma Shiinaha Ayay U Adeegayaan?
Dadka Diiddan Iskaashiga Somaliland Iyo Maraykanku, Ma Shiinaha Ayay U Adeegayaan?
In Dawladda xilligan ugu Awoodda badan dunidu la yeelato xidhiidh gaar ah Dal aan Aqoonsi Caalamiya haysan, waxay ka dhigan tahay Markhaati-fur muujinaya Heerka aaminaadda ee Dalkaa lagu qabo.
Sida aad garan kartaan, Maraykanku Dalalka Dunida ee uu Dan Istaraatijiyadeed ka leeyahay wuxuu u maraa laba Waddo.
Ta koowaad: Waa inuu sida Somaliland la galaa heshiis laga ansixiyo Goleyaasha Baarlamaanka, si cadna loo qeexaa Danaha la wadaagayo, sida imika ka muuqata Xeerka Difaaca Qaranka ee Maraykanka ee lagu lifaaqay doorka Somaliland.
Ta labaad:- Waa inuu awood Ciidan iyo mid diblumaasiyadeed ku Maalo dalka uu Danka leeyahay, isagoo iska indho-tiraya Doonista Dalkaas.
Haddaba, labada Aqal ee Baarlamaanka Dalka Maraykanka (Senate-ka iyo Congress-ka) oo ka duulaya Shuruucda iskaashiga Dalkooda ee dalalka kale wuxuu Xeerka Difaaca ku ladhay Saami fursad lagu siinayo Somaliland inay iskaashi la yeelato Dawladda Maraykanka.
Iskaashigaasi wuxuu si gaar ah u calaamadiyey “Dhinaca Difaaca, Tababbarrada Ciidammada Somaliland”, laakiin waxa ku hoos jira iskaashi diblumaasiyadeed, sida inuu Qunsuliyad ka furto Hargeysa iyo iskaashi dhanka horumarka ah, taasi oo ah in Maraykanku uu dhaqaale ku taageero Somaliland, taasi oo ah fursad muhiim u ah Dalkeena.
Sidaa darteed, in gudaha dalkeena Somaliland laga siyaasadeeyo, lagana carqaladeeyo Xeerkaasi waxa loo qaadan karaa ama loo fahmi karaa inay jiraan Xisbiyo iyo Dad siyaasiyiin ah oo u adeegaya Dawlado shisheeye, kuwaasi oo qaarkood ay Maraykanka isku hayaan Gobolka Geeska Afrika, sida Shiinaha.
Shiinaha ayaa ka mid ah Dawladaha taageera Midnimada Soomaaliya, kana soo horjeeda Madax-banaanida Jamhuuriyadda Somaliland, markaa in gudaha dalka laga taageero diidmadiisa xidhiidhka Maraykanka iyo Somaliland, waxay marag u noqon kartaa tuhuno hore loo qabey
