ARSENAL OO KU DHAW IN AY LA SOO SAXIIXATO CIYAARYAHAANKA QADKA WEERAR KA CIYAARO .
Arsenal ayaa ku sii dhawaanaysa saxiixa weeraryahanka Atletico Madrid ee Joao Felix sida ay sheegayaan wararku.
Taasi waa sida uu qabo khabiirka suuqa kala iibsiga ee Spain Fernando Kalas.
Waxa uu aaminsan yahay in xidhiidhka xiddiga Portugal iyo tababaraha Atletico Madrid ee Diego Simeone uu bur-buray isla markaas noqday mid aan la xalin karin.
Kalas waxa uu sheegashadan ka sheegay Barnaamijka Transfer Show ee Sky Sports News.
Arsenal ayaa lagu soo waramayaa in ay dar-dar galinayso baacsiga xiddiga kadib markii ay ku dhibaatoodeen in ay kooxda Shakhtar kala heshiiyaan qiimaha xiddiga garabka ka ciyaara ee Mykhailo Mudryk.
Gunners ayaa doonaysa in ay saxiixa Felix ku garaacdo kooxda Man United kuwaas oo doonaya saxiixa xiddiga reer Portugal si ay ugu buuxiyaan booska Ronaldo.
Laakiin Arsenal ayaa u muuqata kuwo ku dhaw in ay Atletico Madrid kala heshiiyaan saxiixa xiddiga oo ay qaab amaah ah ku helayaan inta ka dhiman xilli ciyaareedkan.
