AGAASIMAHA GUUD EE WASAARADA QORSHEYNTA OO LA GUDOONSIYAY ABAAL MARINTA SOMALIA LEADERSHIP AWARDS

Agaasimaha Guud ee Wasaaradda Qorsheynta Maalgashiga iyo Horumarinta Dhaqaalaha XFS, ahna Gudoomiyaha Goalaha Sarre ee Hay’adda Istatistikadda Qaranka Asad Yusuf Qanyare ayaa caawa la guddoonsiiyay abaalmarinta Somaali Leadership Awards oo la siiyo dadka ku suntan hoggaaminta wanaagsan ee hannaan toosan u guta howlaha loo igmaday. Inka badan 15 kun oo ruux ayaa bogga Somaali Leadership Awards ugu soo codeeysay Agaasimaha guud ee Waaaaradda Qorsheynta oo caawa lagu abaalmariyay howlihii adkaa ee uu ka qabtay Wasaaradda, iyo shaqooyinka uu qaranka u hayay.

Agaasime Asad ayaa abaalmarinta caawa ku mutaystay hannaanka Maamul Wanaagga ee uu sameeyay (Good governance Awards) iyo sida uu u kala mareeyay shaqooyinkii uu soo qabtay oo ay ka mid yihiin, fulinta mashaariic dhaxal-gal u ahaa horumarinta Dalka,

Sida:- Mashruucii kasoo kabashada Xasaradaha SCRP, Maareeyaha Xafiiska Deeq-bixiyaasha (Donor Engaged), howlihii uu ka hayay Maamulka Wasaaradda, isaga oo wax muuqda ka qabtay qeybaha kala duwan ee shaqooyinka Wasaaradda Qorsheynta muddadii sannadka ah ee uu illaa hadda ka yahay Agaasimaha Guud.

Wuxuu udub-dhexaad u ahaa farsamooyonkii la fuliyay kuwoodii ugu muhiimsanaa, Waxaa uu sidoo kale hormuud u ahaa diyaarinta warbixinnada abaarahii Dalka ka dhacay 2016-2017, DINA oo uu ka ahaa hormuudkii qoray isla markaana Gobollada Dalka oo dhan tagay. Qorshaha dib u soo kabashada Abaaraha RRF iyo FINA, iyo sidoo kale, Qorshaha Horumarinta Qaranka NDP9 oo uu hoggaan u ahaa diyaarintiisii.

Ugu dambayn, Xaflad caawa Muqdisho gaar ahaan Hotel Jazeera ka qabsoontay ayaa lagu dhawaaqay in uu yahay qofka u qalma abaalmarintaas, waxaana u guddoomay abaalmarinta, Agaasimaha Qorsheynta Wasaaradda Mudane Muse Cusmaan Maxamed oo munaasabadda goobjoog ka ahaa, Madaxdii caawa ka soo qeybgalay xafladda ayaa uga mahad-celiyay Agaasime Asad Yuusuf Qanyare howlihii uu Qaranka u qabtay, sidoo kalana u qiray abaalka uu dalka iyo dadka u galay.