AGAASIMAHA GUUD EE KUMISHINKA MAAMUL WANAAGA OO KULAN LA QAADATAY MAAYARKA DOWLADDA HOOSE EE HARGEYSA .

Komishanka Maamul Wanaaga JSL ayaa ku celiyay Warbixinta Qiimayntii Hanaanka Maamul Wanaag ee Komishanka Maamul Wanaagu ku sameeyay Dawladda Hoose ee Hargeysa .

Agaasimaha Guud ee Komishanka Maamul Wanaaga Marwo Farxiya Maxamed Cabdiraxman oo ay wehelinaayaan Agaasimaha Waaxda Maamul Wanaaga Md. Cabdilaahi Maxamed Bile iyo Agaasimaha Waaxda Wacyigalinta Md. Xamse Maxamed Xasan.

Ayaa kulan la qaatay Maayar ku xigeenka Dawladda Hoose ee Hargeysa Mudane Khadar Axmed Nuur oo uu weheliyo Agaasimaha Maamulka iyo Maaliyadda Md. Khadar Yuusuf Cali, Ahna ku simaha Xoghayaha Dawladda Hoose ee Hargeisa.

Agaasimaha Guud ee komishanka Maamul Wanaaga JSL Marwo Farxiya Maxamed Cabdiraxman ay Maayar ku xigeenka la wadaagtay kuna wareejiyay natiijada qiimayn uu komishanka Maamul wanaagu ku sameeyey Hanaanka Maamul Wanaagga ee Dawladda Hoose ee Hargeysa.

Intaasi ka dib Maayar ku xigeenka Dawladda Hoose ee Hargeysa Mudane Khadar Axmed Nuur ayaa Komishanka ku bogaadiyey shaqada fiican ee ay Qaranka u hayaan, sidoo kalena Maayar ku xigeenku waxaa uu balan qaaday inay fulin doonan Natiijada, Talooyinka iyo Toosinta ku xusan Warbixintan uu Komishanka Maamul Wanaaga JSL la wadaagay, soo na dhawaynayaan in dhinaca hanaanka Maamul wanaaga wixii tobabaro iyo farsamo ah ay Dawladda Hoose ee Hargeisa ka caawiyaan Komishanka Maamul Wanaaga JSL