AGAASIMAHA GUUD EE CIIDANKA PMPF OO KULAN LA QAATAY SARAAKIISHA UGU SAREEYSO MIDOWGA YURUB
Agaasimaha Guud ee ciidamada PMPF Mudane Cabdirabbi Cabdisamed Maxamed ayaa kulan kula qaatay badda magaalada Boosaaso mid ka mid ah Maraakiibta Dagaal ee Midawga Yurub ee ilaalada Badaha Soomaaliya saraakiisha ugu saraysa Midawga Yusub ee ilaalada Badda Soomaaliya iyo Saraakiil ka socdey EUCAP SOMALIA. Markabka ayaa lagu magacaabaa EUNAVFOR Frigate (Santa Maria).
Agaasimaha Guud ee PMPF mudane Cabdirabbi oo ay weheliyaan saraakiil Sar-sare oo ka tirsan ciidamada PMPF iyo Taliyaha Guud ee ciidamada Midawga Yurub ee ilaalada Badaha Soomaaliya Admiral Nuno Filipe Cortes Lopes oo ay weheliyaan Saraakiisha Markabka iyo saraakiil ka socdey EUCAP SOMALIA ayaa ka wadahadlay xoojinta wadashaqaynta iyo kala xog qaadasho ku aaddan falalka Amnidaro ee ka dhaca Badaha dalka, si gaar ah badda Puntland, kuwaasi oo kala ah Hubka Sharcidarada ah, Tahriibta iyo Kalluumaysiga sharcidarada ah.
xogta Amniga Badaha, tayaynta, tababarada, sare u qaadidda aqoonta iyo xirfadda ciidamada ayaa sidoo kale la isla-gartay in la iska kaashado
